yeni xəbərlər

Merkel Türkiyə ilə gömrük razılaşmasına veto qoydu

Avqust 31st, 2017 | by DAK.AZ
Merkel Türkiyə ilə gömrük razılaşmasına veto qoydu
Türk Dünyası
0

Almaniya kansleri Angela Merkel Avropa İttifaqı ilə Türkiyə arasında gömrük əlaqələrinin inkişafı haqqında razılaşmaya veto qoyub. APA TV-nin Türkiyə mətbuatına istinadən məlumatına görə, Merkel bu barədə Avropa Komissiyasının rəhbəri Jan Klod Yunkeri məlumatlandırıb.
Xatırladaq ki, ötən ilin sonunda qurum Türkiyədən 1996-cı ildən mövcud Gömrük Birliyinin genişləndirilməsi üçün danışıqlara icazə verməsini istəyib.

Razılaşmada əsas məqsəd Gömrük İttifaqını genişləndirərək, kənd təsərrüfatı məhsulları, kömür və polad məmulatlarının gömrükdən azad edilməsi, ticarət həcminin artmasına nail olmaqdır.

Avropa İttifaqı Komissiyası hesab edir ki, proses hər iki tərəfə əhəmiyyətli iqtisadi fayda verəcək. Gömrük Birliyinin genişlənməsi ilk növbədə Türkiyəyə yönəlib. Türkiyənin xarici ticarət dövriyyəsinin 40 faizi Avropa İttifaqının payına düşür.

Şərh yeri

şərh

Share Button

Comments are closed.