yeni xəbərlər

İran XİN-in sözçüsü: “Çox maraqlıyıq ki, Azərbaycan və Ermənistan sülh və inkişaf istiqamətində addımlar atsınlar

Oktyabr 31st, 2017 | by DAK.AZ
İran XİN-in sözçüsü: “Çox maraqlıyıq ki, Azərbaycan və Ermənistan sülh və inkişaf istiqamətində addımlar atsınlar
Siyasi
0

“İran Dağlıq Qarabağ münaqişəsinin həllində Azərbaycan və Ermənistan arasında vasitəçilik edən ilk ölkədir. Müharibənin qızğın vaxtında, qanlı hadisələr zaman atəşkəsə nail olmaq uğur idi”.

 

Bunu İranın Dağlıq Qarabağ münaqişəsinin həllində mümkün rolu barədə APA-nın sualını cavablandıran İran Xarici İşlər Nazirliyinin sözçüsü Bəhram Qasimi deyib. “Biz çox maraqlıyıq ki, iki önəmli şimal qonşumuz ixtilafları kənara qoyub, sülh, sabitlik və iqtisadi inkişaf istiqamətində müsbət addımlar atsınlar”, – deyə o, söyləyib.
Sözçü çərşənbə günü baş tutacaq İran, Azərbaycan və Rusiya prezidentlərinin görüşünə də toxunub. O xatırladıb ki, Tehranda keçiriləcəķ üçtərəfli görüş sayca prezidentlərin ikinci  sammitidir: “Zirvə toplantısı zamanı əlaqələrin inkişafı üçün müxtəlif məsələlər, terrorizmlə mübarizə və regionda vəziyyət müzakirə olunacaq. Üçtərəfli görüş hər üç ölkəyə aid  ümumi məsələlərin müzakirəsi və razılıq əldə olunması üçün əlverişli fürsətdir”.

B. Qasimi Azərbaycan və İran arasında əlaqələrin yaxşı səviyyədə olduğunu vurğulayıb: “Qafqaz regionu bizim üçün önəmlidir. Azərbaycanla yanaşı, Ermənistanla da yaxşı əlaqələrimiz var, son günlər Ermənistan baş naziri Tehrana səfər etmişdi. Gürcüstanla əlaqələrimiz də yaxşıdır. Ümumilikdə Qafqaz regionu ilə əlaqələrimiz yaxşı səviyyədədir. Biz bu regionda təhlükəsizliyin təmin olunmasını önəmli hesab edirik”.

Şərh yeri

şərh

Share Button

Comments are closed.