Qərbi Azərbaycan, Şərqi Azərbaycan və Ərdəbil əyalətlərində güclü qar və çovğun nəticəsində yüzlərlə kəndin yolu bağlanıb.
Bununla yanaşı yanvarın 15-də havanın kəskin soyuması və yolların bağlanmasına görə, Ərdəbil, Qərbi və Şərqi Azərbaycan əyalətlərinin bir neçə şəhərində məktəblər tətil edilib.
Qərbi Azərbaycan əyalətinin 2, Ərdəbil əyalətinin 8 və Şərqi Azərbaycan əyalətinin 7 şəhərində, hər 3 əyalətin yüzlərlə kəndində dərslər dayandırılıb.
Son məlumata görə, Vərziğanda qarın hündürlüyü 65, Xiyavda 53, Nəmində 50, Əhərdə 42 santimetrə çatıb.