Əli Hacı Ağaevlinin qələmə aldığı yeni irfan şeirlərini təqdim edirik.
Sənə məndən başlayar,
Duaların, İlahi !
Sənəm, dünya adında-
Yuvaların,İlahi !
Demə Məçid, Kilsəyəm
Öz adıma küçəyəm !
Niyə gəlmir ölçüyə,
suallarım İlahi ?!
Söz, olmağın adıdı,
Dilim-ağ varağındı !
Məqam-səbrin adıdı,
Səbrim, Tanrım-İlahi !
İstəməm daş yerini,
Tutmaram baş yerini !
Tükənməz mən varının
davaları,İlahi !
Sənə məndən başlayar,
Duaların,İlahi !
Dağıtdığın yerə qoy,
Yuvaları,İLAHİ !
***
Allah,necə götürüb,
götürüb olmazlığı ?!
Yar, dua et adıma,
Çoxluğa qat azlığı !
Yoxluğa qat azlıği,
Çoxalsın haqq,ədalət !
Bəlkə onda yox ola,
Bu ətalət,ətalət !
Sevgi hanı yol verəm?!
Yol verəm canım,başım !
Dünya məndən böyükmüş,
Mən, dünyanı yaşadım !
***
Yerin,göyün,əlin başqa,
Kimin versin ətək sənə ?!
Bir deyirdin,ayrı olub
yüzüm verdim pətək sənə !
Soyumazmı bu odum heç,
Soyuğam bu odumla keç !
Sağlığ deyim gəl,ona iç
Iç paltardı kötək sənə !
Allah,Allah de,hardasan?!
Bəlkə,bəlkə sağaldasan !
Qoy,desinlər sən haqlısan
Tikdim haqdan köynək sənə !
***
Adam kimi yaşamaq yox,
Çıxmaq olmur hər gün yola !
Sənə qapı açıram ki,
Sənə keçmiş unudula !
Hər yarpaqla öz işini
kök bitirir söz işini !
Ocaqdakı köz işini,
Yaradan özü qandıra !
Bu dünyanın xoş üzünə,
Yonulmuşuq daş üzünə !
Sevgimizin kaş üzünə,
Haqq bizi,Kərəm yandıra !
***
Qəbrimin üstünə gəlmə,
Ağlama məni öləndə !
Gələcəyəm yanına mən,
ölmüşümü sən görəndə !
Necə sevdim ,bilinmədi
dərdimi özüm dənlədim !
Baş əyib,daşa əyildim
Dünyaya sən, güləndə !
Su vermədi,bu quyu su,
Göz yaşınla məni də yu !
Gülüm,olsun sənin toyun,
Toyu elə mən öləndə !