Milli məfkurəmizin yorulmaz tədqiqatçısı

by Samir Asadli

Tanınmış tənqidçi, publisist, filologiya üzrə fəlsəfə doktoru, Əməkdar Mədəniyyət İşçisi, “Ədəbiyyat qəzeti”nin baş redaktoru Azər Turanın 60 illik yubileyi Neftçala rayonunda qeyd olunub.

Mərasimdən öncə Azər Turanın ata ocağı – ədəbiyyatşunas alim mərhum İmamverdi Əbilovun evindəki zəngin şəx­si kitabxanası ziyarət olunub. Ardınca yu­bilyarın kitablarından ibarət sərgiyə baxış keçirilib və Azər Turan yaradıcılığını əks etdirən videoçarx izlənilib.

Yubiley gecəsində Azərbaycan Yazı­çılar Birliyinin birinci katibi, Xalq yazıçısı Çingiz Abdullayev, Milli Məclisin depu­tatları – akademik Nizami Cəfərov, Xalq şairi Sabir Rüstəmxanlı, yazıçı, Əməkdar Jurnalisti Aqil Abbas, “Yeni Azərbaycan” qəzetinin baş redaktoru Alqış Həsənoğlu, tənqidçi, filologiya elmləri doktorları El­narə Akimova və Qulu Məhərrəmli çıxış edərək, Azər Turan yaradıcılığından söz açıb, ona ən xoş diləklərini yetiriblər. Xalq şairi Nəriman Həsənzadənin yubilyara ünvanladığı videotəbrik səsləndirilib.

Neftçala RİH-in başçısı Mirhəsən Seyidov bildirib ki, Azər Turan imzası ilə ictimai və elmi mühitdə mühüm mövqeyə malik ədəbiyyatşünas, tənqidçi və yazıçı­dır. O, həm də Cavidlər ocağının mənəvi varisi kimi qələmə aldığı “Cavidnamə”ləri ilə geniş oxucu kütləsinin rəğbətini qaza­nıb. Eyni zamanda Əli bəy Hüseynzadə, Əhməd bəy Ağaoğlu, Məhəmməd Hadi, Bəkir Çobanzadə, Ömər Faiq Nemanza­də kimi görkəmli şəxsiyyətlərlə bağlı qiy­mətli əsərlər yazıb.

Sonda Azər Turan çıxış edərək, yu­bileyi ilə əlaqədar ona göstərilən yüksək ehtirama görə rayon rəhbərliyinə, qonaq­lara və Neftçala ictimaiyyətinə minnət­darlığını bildirib.

Ə.NƏCƏFXANLI

Digər yazılar

Leave a Comment

@2023 – All Right Reserved. DAK