İranda yaşayan qaşqay türklərinin fəallarından olan tanınmış alpinist Hamid Qaşqayi Şiraz şəhərinin Vəkilabad həbsxanasında təcridxanaya aparılıb.
Qaşqay fəalların bildirdiyinə görə “Plak 100” adı ilə tanınan təcridxana təhlükəsizlik orqanının ən qorxunc mərkəzlərindən biri sayılır.
Orada məcburi etiraf verməsi üçün Hamid Qaşqaya işgəncə veriləcəyi ehtimal edilir.
Qeyd edək ki, noyabrın 10-da Şiraz şəhərində həbs edilən Hamid Qaşqayi İran və beynəlxalq səviyyədə tanınan alpinist və qayayadırmanma üzrə məşqçilərdən biridir.