Təbrizin “Şəhid Mədəni” Universitetinin tələbəsi Hadi Səttari Universitetin Nizam-İntizam Komitəsinə çağırılıb.
Gənc fəal ona qarşı irəli sürülən ittihamlara cavab verməlidir.
Hadi Səttariyə qarşı “etiraz aksiyalarında iştirak etmək və iğtişaş törətmək”, “müqəddəsləri təhqir etmək”, “tələbəlik statusuna zidd hərəkətlər etmək və universitetin iş və təhsil rejimini pozmaq” ittihamları irəli sürülüb.
Qeyd edək ki, Hadi Səttari ictimai-siyasi həyatda aktiv tələbələrdən biridir.
O, müxtəlif ictimai və mədəni təşkilatların üzvüdür və bu günə kimi mədəniyyət və Azərbaycan dili və ədəbiyyatı sahəsində fəaliyyət göstərib.
2022-ci ilin sentyabr ayında İranda başlayan etiraz aksiyalarından sonra ictimai fəallıq göstərən yüzlərlə tələbə universitetlərdən qovulub.