Bundan əvvəl tətil aksiyası keçirən Təbrizin “Şuniz” (Dadaş bəradər) zavodunun 10 işçisinə qarşı cinayət işi açılıb.
Bu, onların 28 oktyabrda işçilərin tətil aksiyasında fəallıq göstərmələri ilə bağlıdır.
Təbrizli işçilər qeyd edilən tarixdə əmək haqlarının ödənilməməsinə, qanunla nəzərdə tutulmuş hüquqlarının pozulmasına və iş təhlükəsizliklərinin olmamasına etiraz edib, işi dayandırmışdılar.
Onlar zavod rəhbərliyi və əlaqədar dövlət qurumlarının nümayəndələri ilə görüşmək istəsələr də bu, baş tutmamışdı.
Azad İşçilər Birliyinin məlumatında qeyd edilib ki, 10 işçiyə qarşı cinayət işinin açılması başqa işçiləri qorxudub və susdurmaq məqsədi daşıyır.