Təbrizin İran parlamentindəki nümayəndəsi Əhməd Əlirzabeygi parlament seçkiləri başlamadan öncə daxili işlər naziri Əhməd Vəhidinin impiçment məsələsinin həll olunmasını tələb edib.
Əlirzabeygi bir neçə gün əvvəl DİN başçısının impiçmentdən yaxa qurtarmaq üçün məcburi hicab qaydaları məsələsini qabartdığını deyib.
“Nazir impiçmentdən qaçmaq üçün əxlaq polisi və hicabsızlıqla mübarizə məsələsini ortaya atıb. Onun dedikləri ilə xalqın istəkləri arasında böyük fərq var. Bu gün xalqın problemi hicbasızlıq deyil, məişət məsələləri, bahalıq, işsizlik və mənzil problemidir”,- millət vəkili bildirib.
O, vətəndaşların prioritetləri ilə hökumətin prioritetlərinin üst-üstə düşmədiyini və bunun ölkədə daha ciddi problemlərin yaranmasına səbəb olacağını söyləyib.