Tehranda 4 jurnalist polis təcridxanasına köçürülüb

by Samir Asadli

İranda media işçilərinə təzyiqlərin davamında “Fərdayi iqtisad” qəzetinin 4 jurnalisti Tehran şəhərinin polis təcridxanasına köçürülüb.

Bu barədə insan haqları müdafiəçiləri məlumat yayıb.

Mehrdad Əsgəri, Nikan Xəbbazi, Əli Təsnimi və Behzad Bəhmənnəjad fevralın 9-da təhlükəsizlik məmurlarının Tehranda “Fərdayi iqtisad” qəzetinin ofisinə basqını zamanı saxlanılmışdılar.

Onların nədə günahlandırıldıqları və həbs səbəbləri barədə açıqlama verilmir.

Qeyd edək ki, təhlükəsizlik məmurları fevralın 5-də “Fərdayi iqtisad” qəzetinin ofisinə basqın edib və orada olan 30 jurnalist 14 saat ofisdə saxlanılıb.

Fevralın 6-ı səhər saatlarında digər jurnalistlərin redaksiyadan çıxışına icazə verilib, ancaq yuxarıda adı çəkilən 4 jurnalist orada saxlanılıb və fevralın 9-da naməlum yerə aparılıb.

Digər yazılar

Leave a Comment

@2023 – All Right Reserved. DAK