Güney Azərbaycan şəhərlərindən olan fəallar diqqəti qurumaqda olan Urmu gölünə və hakimiyyətin ekoloji fəlakətə laqeydliynə çəkmək üçün aksiyalarını davam etdirirlər.
Urmu gölünün fotosu əks olunan plakatların üzərində ingilis dilində “Urmu gölünü xilas edin!”, “fars rasizminə yox!” və “Ədalət, Azadlıq, Milli hökumət!” şüarları yazılıb.
Bununla yanaşı, bir neçə qrup dağçı və ekofəal Savalan dağına yürüş edərək, orada plakatlar qaldıraraq ekoloji problemlə bağlı sosial mediada paylaşımlar ediblər.
“Duz fırtınaları vasitəsilə azərbaycanlıları öz yurd-yuvalarından çıxarmağa ümid edənlər bilməlidirlər ki, Azərbaycan xalqının qiyamı ilə Azərbaycanı istismar etmək siyasətlərinə son qoyulacaq!”, “Urmu gölü susuzdur!”- dağçı ekofəalların plakatlarında qeyd olunub.
