Qaşqayın “Güney hərbçiləri” sənədli filmi İranda keçirilən 8-ci Sima Sənədli Film Festivalında xalqın səsverməsi ilə ən yaxşı sənədli film seçilib.
Əli Boləndnəzər da türkcə video yayımlayaraq Qaşqay türklərinden təşəkkür edib:
“Bu mükafat biz birləşdiyimiz zaman böyük işlər görə biləcəyimizi göstərir. Hamınıza təşəkkür edirik. Ümid edirəm ki, bundan sonra da sizin dəstəyinizlə Türk Qaşqay mədəniyyətini dünyaya göstərə biləcəyik”.- deyə paylaşımda qeyd edilib.
Qeyd edək ki, sənədli film Birinci Dünya Müharibəsinin ortasında Solət əl Dövlə Qaşqayın rəhbərliyi altında Qaşqayların göstərdikləri cəsarətin və fəaliyyətin bədii-tarixi təsviridir.