Ərdəbil əyalətinin Parsabad (Muğan) şəhərində əkinçilər etiraz aksiyası keçiriblər.
Avqustun 16-da Təbii Sərvətlər İdarəsinin qarşısına toplaşan narazılar su kəsintiləri səbəbindən əkin və bağ sahələrinin susuzluqdan quruduğuna etirazlarını bildiriblər.
Onlar bundan əvvəl hökumət nümayəndələri və yerli məsulların su payının veriləcəyi ilə bağlı vədlərinin yalan çıxdığını deyiblər.
Narazılar qeyd ediblər ki, suyun verilməməsi nəticəsində dəyən zərərin ödənilməsi hakimiyyətin üzərinə düşsə də, əkinçilərə heç bir vəsait ödənilmir.